Video
Read full review
2016-04-02
515 views
韓劇一套接一套, 咩來自星星的你, 又太陽的後裔, 真係唔明點解套套都咁天文, 唔係星星就太陽。唔知遲D會唔會有來自銀河系的佢, 或者開普勒的子嗣咁呢講講下就被女友敲頭頂, 叫我唔好侮辱佢D偶像云云, 真係唔明韓國仔有咩咁吸引。不過韓國野食就係我地既共識黎, 今日就試到黎呢間好出名既韓國餐廳, 成日聽朋友講終於有機會黎試下!仲有D外藉侍應, 同佢地講廣東話佢地頭令令, 原來因為佢地係韓國"阿加斯"次次都係女友話要搵OPPA, 今次仲唔到我威番次! 當我用我D爛英文聊佢地時, 又被女友敲頭頂清河雞翼估唔到咁彈牙! 味道好似中國既花鵰雞翼, 不過就比較甜D, 食落爽口彈牙, 完全唔覺得油膩, 好開胃來自銀河系的佢有炸雞食, 我女友當然唔執輸啦, 叫左個蜜糖炸雞, 雖然好多蜜糖, 但舊雞都冇淋, 仲好脆好JUICY, D肉全部都係雞腿肉, 而且去晒骨啖啖肉, 唔怪得男主角係外星人都咁鐘意食啦!石鍋飯係應該加左辣醬, 仲加左一隻太陽蛋, 撈云左之後味道好濃, 加埋D好鬼惹味既紫菜同爽脆既飯焦, 真係超好味差少少飽, 平平地食多個卷物, 個卷物係幾好食, 而且份量好多, 有成10舊, 但就有D慳
講講下就被女友敲頭頂, 叫我唔好侮辱佢D偶像云云, 真係唔明韓國仔有咩咁吸引。不過韓國野食就係我地既共識黎, 今日就試到黎呢間好出名既韓國餐廳, 成日聽朋友講終於有機會黎試下!
仲有D外藉侍應, 同佢地講廣東話佢地頭令令, 原來因為佢地係韓國"阿加斯"次次都係女友話要搵OPPA, 今次仲唔到我威番次! 當我用我D爛英文聊佢地時, 又被女友敲頭頂
清河雞翼估唔到咁彈牙! 味道好似中國既花鵰雞翼, 不過就比較甜D, 食落爽口彈牙, 完全唔覺得油膩, 好開胃
來自銀河系的佢有炸雞食, 我女友當然唔執輸啦, 叫左個蜜糖炸雞, 雖然好多蜜糖, 但舊雞都冇淋, 仲好脆好JUICY, D肉全部都係雞腿肉, 而且去晒骨啖啖肉, 唔怪得男主角係外星人都咁鐘意食啦!
石鍋飯係應該加左辣醬, 仲加左一隻太陽蛋, 撈云左之後味道好濃, 加埋D好鬼惹味既紫菜同爽脆既飯焦, 真係超好味
差少少飽, 平平地食多個卷物, 個卷物係幾好食, 而且份量好多, 有成10舊, 但就有D慳皮, 全部都係醃菜同蛋加上青瓜, 如果想試多D特別野, 唔建議食呢個
Other Info. :
估唔到細細屋邨都有間咁有規模既餐廳, 食物味道好又唔貴, 仲有韓國妹妹招呼, 下次我同兄弟黎XD
(The above review is the personal opinion of a user which does not represent OpenRice's point of view.)
Post
