Say Cheese (將軍澳中心) (Closed)

之前經過餐廳見到佢張層層pancakes 真係好吸引，而且將軍澳唔多呢類食物，於是下次就約埋朋友仔一齊去食約左朋友係下午茶時間黎，諗住唔會太多人。一入餐廳，侍應帶左去卡位座，比左2杯，一飲杯水就出曬事，有怪味！！！！！！！我唔知咩味啦，終知就嚇到我唔敢再飲，而且心入面對間餐廳非常扣分本身滿心期待去食佢個層層pancake ，點知佢話今日無，得啲好普通既甜品，咁我就選擇放棄，轉食下午茶餐。簡左10號同7號餐10號餐，簡簡單單牛角包配薯條，溫度只是屬於暖，不是熱，而且$68，仲要加1，感覺不值7號餐，睇字係扒芝士火腿三文治，點知黎到，嚇到我飛起，竟然比個方包打斜切開一半，放左火腿同埋一片芝士就當係？因為嚇到即時叫職員，所以忘記影相於是同職員要求更換，佢地經理其實有禮咁解釋呢幅圖食物已經停出售。但你地又對呢個解釋滿意嗎？我自己就對成間餐廳更加失望，而且亦唔想更換另一款食物，只想拿拿聲食完10號餐就走一間好的餐廳，除了職員有禮外，最基本就係廚房，連自己貼曬海報賣曬廣告既層層pancake都無，就連最簡單既下午茶餐都做到咁既款，想問點留得住啲客呢？