Video
Read full review
2025-08-06
229 views
成日行商場經過東京撈麵過江龍～麺屋こころ （KOKORO TOKYO MAZESOBA） 都覺得好正咁，最近留意到KOKORO新出咗「海膽濃湯系列」，超吸引，就去咗試下！「海膽濃湯系列」有海膽撈麵及海膽沾麵，都係以100%新鮮空運海膽製作。我揀咗海膽沾麵 （$168），麵條口感煙靱彈牙，好易掛汁，沾一沾鮮香嘅海膽汁，每一啖都鮮味十足！鯡魚子份量都超級慷慨，口感爽脆，食落口感更加豐富！海膽沾麵仲有埋烤豬腩肉，增添油脂芳香！建議加$32追加多一份海膽，會更加滿足！正宗全料東京撈麵 （$109）係餐廳招牌，配料足足有12款之多！有豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉等等，可以一麵四食－－先食原味，然後加入即磨黑胡椒，跟住落KOKORO秘製香醋，最後可以請店員要求一碗免費迷你白飯混合餘下配料及醬汁。呢碗撈麵不愧係招牌，麵條有口感，味道辣辣地，好惹味！飲品方面好有特色，日式茶飲Nomimono系列以日本傳統茶作主打，嚴選日本有機茶園種植之茶葉。抹茶紅豆拿鐵($42)既有茶嘅甘醇，又有日本牛乳嘅奶香，加埋軟綿綿嘅紅豆，充滿日式風味。抹茶奶蓋拿鐵($50）多咗芝士
「海膽濃湯系列」有海膽撈麵及海膽沾麵，都係以100%新鮮空運海膽製作。
我揀咗海膽沾麵 （$168），麵條口感煙靱彈牙，好易掛汁，沾一沾鮮香嘅海膽汁，每一啖都鮮味十足！鯡魚子份量都超級慷慨，口感爽脆，食落口感更加豐富！海膽沾麵仲有埋烤豬腩肉，增添油脂芳香！建議加$32追加多一份海膽，會更加滿足！
正宗全料東京撈麵 （$109）係餐廳招牌，配料足足有12款之多！有豬腩、生蛋黃、辣肉碎、溏心蛋、紫菜、蔥花、韭菜、竹筍、紫菜碎、生蒜、魚粉等等，可以一麵四食－－先食原味，然後加入即磨黑胡椒，跟住落KOKORO秘製香醋，最後可以請店員要求一碗免費迷你白飯混合餘下配料及醬汁。
呢碗撈麵不愧係招牌，麵條有口感，味道辣辣地，好惹味！
飲品方面好有特色，日式茶飲Nomimono系列以日本傳統茶作主打，嚴選日本有機茶園種植之茶葉。
抹茶紅豆拿鐵($42)既有茶嘅甘醇，又有日本牛乳嘅奶香，加埋軟綿綿嘅紅豆，充滿日式風味。
抹茶奶蓋拿鐵($50）多咗芝士奶蓋，飲落口感更加香濃順滑，而且芝士嘅咸香亦都同茶嘅香味好平衡。
Post
