咁我哋就決定食呢間,睇完menu,我決定食$60.00嘅牛油果醬烤雞意式三文治,
老公要$108.00嘅鹽燒鯖魚定食,要凍咖啡.
冇耐,凍咖啡到嚟,
經過老公嘅調配後,我試吓飲,唔太苦但味道唔太濃.
等咗13分鐘,我嘅牛油果醬烤雞意式三文治至到嚟,睇見薯條好油,意式三文治好貼心地切開咗一半,
方便客人食用
,但烤雞似俾雞碎的,
感覺麻麻
.再睇睇,見到佢哋塗咗啲介末籽他他醬.
食得喇,意式三文治烘到好脆,食到介末嘅味道,烤雞油同味道好似差啲啲,而食食吓就見到牛油果醬係塗咗喺下面.
味道:2.33分
而薯條係好熱,鹹度啱啱好,薯味亦重,唔蘸茄汁食都重得.
味道:5分
老公嘅鹽燒鯖魚定食由落單開始計起,等成21分鐘至有,呢個重有日式冷盤小食,沙律,漬物同味噌湯.
漬物係青瓜,醃到變埋黃色,認真誇張;日式冷盤小食中,
我食咗帶子裙邊,微微嘅甜辣,好味.而鹽燒鯖魚呢,老公話魚皮都燒到脆口,我食啲肉,都幾鮮甜嘅,而佢都幾厚身.
味道:3分
其他:
喺等嘢食嘅時候,睇吓佢嘅墊枱紙
同裝修.
