事關今日去食既時候，右邊鋪好多人排，左邊就幾乎直入。傻豬豬見到有人排右邊店，就問前面排隊個位叔叔有咩分別，佢又話冇，但又唔知點解啲人淨係排右邊啵。 咁左邊舖有位，我哋就直入左邊鋪。
蛋撻出名就當然一人黎一個蛋撻($10一件)先啦，鍾情於曲奇皮既我，就叫左一個曲奇皮黎試下。
如圖片所見，撻邊較lone亦都已經凍晒。唯有當自己唔好彩。食落去蛋撻的確厚同碎，但蛋漿唔夠滑。
另外叫左奶茶紅豆冰，作為奶茶愛好者，呢杯茶都ok，但偏甜。落order已經同咗姐姐講少冰少甜，但當佢嗌去廚房嘅時候完全冇講過，所以杯嘢嚟到嘅時候偏甜。
我哋每食完一樣嘢，個碟清空，姐姐好快就會嚟收碟。辦事效率10分高。當我杯茶都仲未飲晒，姐姐已經喺度抹緊枱，並且趕你走，招呼緊下一台客入嚟。
就算啲嘢食幾好食都好，咁趕客下次都唔再幫襯了。
