主食我地只叫咗一款，重點梗係嗰兩款班戟外加兩杯飲品。
主食係明太子特製和丼定食，丼飯除左有明太子外，仲配有日式嘢常見嘅牛蒡，南瓜，蓮藕，手打雞肉丸，食嘅時候淋上日式高湯，感覺非常健康。另外，仲搭配即叫即製嘅玉子燒，口感細膩熱辣辣。
飲品方面分別叫咗檸檬梳打同Rasperry梳打，甜度適中，一飲gur哂！
1
跟住到主角出場啦，先黎宇治金時梳乎厘班戟。班戟厚而鬆軟，綠茶味道甘甜香濃，配上淡忌廉及紅豆蓉，味道層次豐富。特別欣賞佢嘅心思，有栗子、黑豆同埋矜貴嘅金箔啊！！
然後出場嘅係黑芝麻班戟，口感好好，食到一粒粒嘅黑芝麻。而配上嘅淡忌廉亦混入了黑芝麻，令到成個味道好出好濃郁。驚喜位係個個黑糖醬上面都有金箔！食嘅時候班戟配上黑芝麻淡忌廉、紅豆蓉與及黑糖醬，好滿足啊👍🏻
