尚座 (Closed)

係片皮鴨關注組，尚座呢個名字嘅出現率都多，所以都想試下究竟。預先book定半隻片皮鴨係平日dinner食，夜晚六點入去，離開後都滿座，每枱上面一定有片皮鴨，會見到有個人keep住係不停切呀切。$228 酥香烤鴨 （半隻） 上枱有片皮鴨擺盤 ，餅皮（最少有九塊，因為我兩個frd每人食到三舊以上），醬料碟（有京蔥，青瓜，哈密瓜，填鴨醬，砂糖，蒜茸）片皮鴨冇咩肥膏，顏色方面唔太有吸引，冇紅燒果種感覺，算薄同脆，可惜的是油，就算包住食都感覺到個陣油膩味啊，更何況到最後冇哂餅皮要濟食嘅時候，不過都可以點砂糖食中和下。片下面係會有碎嘅瘦鴨肉鋪墊，包嘅時候可以加埋入去啊！皮都幾薄下，所以易穿😂 可能枱枱都叫的關係，所以就算預先order到落單片皮鴨都係最後先上枱$88 蟲草花炒翡翠苗份量唔少，冇草青味，可能落油嘅份量唔少，入口嫩、少爽$108 老上海炒飯 普通一個炒飯，有獲氣，配料有肥煙肉，蝦，性價比一般。中價價位，合格水平，三個女仔，飽住離開。