寶哥火鍋 (Closed)

之前去過寶寶雞煲食，嗰啲唔係任食，但係覺得質素相當之唔錯，今次同大胃王朋友一齊去食飯，費事佢食唔飽所以就揀咗寶哥火鍋嚟食，寶哥火鍋先$198可以任食都算真係幾低下。加上見到佢哋嘅海鮮拼盤好吸引所以帶埋朋友黎試吓。個海鮮拼盤入邊都有唔少海鮮，有鮑魚啦有蜆有貴妃旁蚌，仲有蝦。海鮮方面都好新鮮下，拎落去打邊爐正。湯底方面我哋叫咗椰子雞湯，椰子味好香。打邊爐鍾意食啲清清淡淡嘅湯底。我哋就叫咗兩份牛小排，牛小排非常之好食，重牛味之餘肥瘦適中。另外仲有叫咗啲 雲吞水餃同埋各種魚蛋 總括嚟講$198都幾抵食