今日暪住首領，放縱一下自己的銀包，便決定試一試這美式漢堡店。但遇着大小姐開恩可以比我瞓到一點半所以醒咗之後就嗱嗱聲擦牙換三出門口衝去佢個lunch set。
講就容易，要氹掂大小姐，去到已經兩點半，所以餐廳內只有幾枱吃到尾聲的客人，只點一人份的我和安坐橋內的大小姐也不避嫌覇佔了人家靠窗的四人卡位🌝
我的漢堡排行榜第一位是BLT（BLT burger + extra BlueCheese）, 其次為Beef & Liberty （black pepper) ，第三位一直懸空，卻一直未有挑戰者取得寶座（我以為自己係乜水咁巴閉🌚）
貴為天后Texas Burger（太遠一直未有機會試）近親，對The Americano 都有相當大期望咖。
〈食評見於相片💁🏻〉
兩個哥仔服務都一流，但因為佢漏左替我走洋蔥，而令我吳能夠享受呢一餐，甚至令到我對佢地出品嘅評價咁低，實在可惜😩（重申，浪費左我128蚊☹️）
我會再俾多次機會佢嘅（儲儲錢之後🙍🏻）。
主角漢堡不過不失，面包牛油味香、煙肉更是酥脆香口，但牛肉餅卻未有令人驚喜，即使配合我十分喜愛的blue cheese，兩者並未相輔相成。可能歸咎於藍芝士的品質：味道過鹹，少許攻鼻，且欠缺香醇。並未能為漢堡加分。最大最大嘅一個問題係：落單時吩咐走洋蔥，出品上卻仍然厲鬼纏身😖對整個漢堡的味道大打折扣，餐廳服務的印象分不能避免地減了少許☹️（因為洋蔥浪費了我128蚊的一餐）。薯條出乎意料地令人眼前一亮！外面酥脆裏面軟糯，面頭撒上些少辣粉更添惹味。
$128
令失色不少的洋蔥兄弟：炸洋蔥圈及底下粉紫色的洋蔥絲！
跟餐免費。內有很多黑色一點點吳知係乜，未覺有特別用途，難免令人聯想到煎牛排時的所產生的副產品🙄 它夠酸而我愛酸，亦特意選擇有汽的它來解膩，但它明明是有汽飲料，質地卻十分thick, 杯內有薄荷葉但冇薄荷味, 發揮吳到我期望嘅作用。
The above review is the personal opinion of a user which does not represent OpenRice's point of view.
