結果後悔莫及(/ω＼)
入到去最犀利最令我反感嘅唔係張枱笠痴痴，而係個地板滑潺潺，好似溜冰咁，點知我個friend已經坐底咗，仲要一面開心咁睇Menu，所以我都唔好意思走人。
1
我個朋友嗌咗個例湯，同埋一個乳豬飯。
例湯還好，有好多菜，感覺唔係太味精湯。
但係佢嘅乳豬飯就真係難食到不得了。乳豬皮唔脆不特止，乳豬嘅肉完全係冇味。佢話以佢食燒味嘅年資，完全未食過咁難食咁淋嘅乳豬皮。個飯嘅份量係好大，不過唔好意思，唔好食幾大碟都冇用。
我嗰個叉燒瀨粉，第一啖飲個湯完全係覺得係例湯溝淡啲，湯底非常之唔正常，我講唔出嗰個感覺，總之係同個叉燒瀨非常之唔夾！不過我叫肥叉燒，佢上枱嘅叉燒正正常常唔係話難食，但係啲湯真係令到個瀨粉有陣up味。
可憐嘅人必有可恨之處，冇人幫襯係有原因嘅！
