許留山 (Closed)

晚餐後想食甜品坐下，又見唔洗等位就入左去，點知張檯未抹，仲有剩餘食物！叫店員抹先係咁意抹走左，坐低後發現檯邊仲有甜品滴漏痕跡！因為已經叫左野局住食埋先，叫左個凍餅撈船，menu個圖兩個球體原來唔係雪糕，似綿花冰同雪芭之間，味道不突出又不討好，底下個凍餅。。。唔睇返個menu真係唔知係咩黎，食到一半，冇辦法唔徒左。。。而且座位仲對住廚房，入面兩個男人其中一個竟然對住一個攪拌機既液體（唔知咩糖水）影相！走既時候，仲聽到自己腳步係「㗩㗩」聲---個鞋底俾個地板黏住再離地所發出既聲音！而家回想都有啲寒。食物本身唔啱口味已經唔重要，我以後對「許留山」任何分店都會慎重考慮，想食甜品到發癲都唔會再去！