味口福 (Closed)

住開筲箕灣嘅朋友都知其實唔係真係想象中咁多野食，小弟平時就有食開呢間餐廳嘅。味道之類個啲其實真係無咩問題，焗嘅野落嘅芝士亦唔少都抵讚嘅，唯獨是衛生問題真係好差。但由於小弟住附近，附近亦真係無咩野食所以屋企人都係周不時會一齊去食下。有時係鋪面都會見到有一兩隻昆蟲，都算啦做餐廳少不免。最出事係水吧，之前試過杯野飲攪多兩攪係會有類似烏蠅仔之類嘅昆蟲浮面嘅，感覺幾差下，但我又未飲而職員都肯換過杯都覺得算啦。但今次抱住一個好耐都無奶過野應該無事掛嘅心態去食下，事前已經攪左杯野飲好耐見無野浮面先敢飲，但今次飲多兩飲o左咀，今次係直程見到有隻曱甴仔痴左係支飲管到，我估係比人夾扁左入面啲野壓到出左嚟所以先痴得咁實，嘩即場想嘔同勁嬲，忍唔住上嚟打翻個食評。勸大家想去呢間餐廳嘅就三思而後行。