利強記北角雞蛋仔 (Closed)

唔知點解每次都撞到呢度大排場龍嘅，今次我大概等咗差唔多二十分鐘，其實等咗十分鐘都想走人喇，不過覺得都等咗十分鐘了走人就浪費曬了，最後都俾我等到喇，雞蛋仔都幾經常食喇，前幾日仲食咗媽咪雞蛋仔，呢度嘅雞蛋仔覺得有D甜，可能喺我唔幾鐘意食甜嘅嘢吧，因為我friend都話唔會覺得甜，其它嘅話，蛋味都幾濃，外皮嘅脆度啱啱好，唔會覺得硬又要小小焦香味，裡面都幾香口，唔錯下！咖喱魚蛋好味，好鬼死彈牙吖！而且咖喱味都幾純下，值得試多幾次吖！芝士腸唔錯，同埋牛百葉都比較好食。下次如果我仲會來呢度食我可能唔會再食雞蛋仔，但係咖喱魚蛋同埋牛百葉喺一定會食咯。