Video
Read full review
2021-11-10
113 views
今日約咗朋友喺大圍見面，一出火車站行幾步就見到有間越式餐廳，外面排咗好多人，同友人決定入去一探究竟。入去睇完Menu覺得好多都好吸引，最後都係叫咗個極品牛三寶湯河粉（＄69），一次過可以有多重享受。一上枱見超級大碗，湯頭清香鮮甜，絕對唔係味精湯。而牛展、牛丸、生牛肉、配上河粉，加埋少少辣椒，再滴上青檸汁，酸辣口味真係絕配，好味。朋友就叫咗香茅豬扒撈檬（＄62），同樣大碗，面頭配料亦好豐富，有青瓜絲、蘿蔔絲、炸蒜、而主角豬扒果然值得一試，醃料整得好香，香茅尤其出色，仲煎得好脆，但內裏肉質唔會太乾，配上甜甜辣辣嘅辣醬，十分惹味。另外仲叫咗啲小食，分別係爽口彈牙、脆卜卜嘅越式炸蝦餅（＄29），同埋越式豬頸肉（＄29），火候燒得啱啱好，迫左啲油出來但又保留到脂香😋嘢飲方面因為係跟餐，所以只需要補少少錢～鮮芒果西米露（$12）超級大杯，飲到粒粒新鮮芒果，西米都唔會過淋，椰香十足，當埋甜品咁食，推薦！檸檬蜜糖薑茶（$8）蜜糖同薑味都好濃郁，啱晒秋冬天飲幾暖身，但偏甜咗少少～
入去睇完Menu覺得好多都好吸引，最後都係叫咗個極品牛三寶湯河粉（＄69），一次過可以有多重享受。一上枱見超級大碗，湯頭清香鮮甜，絕對唔係味精湯。而牛展、牛丸、生牛肉、配上河粉，加埋少少辣椒，再滴上青檸汁，酸辣口味真係絕配，好味。
朋友就叫咗香茅豬扒撈檬（＄62），同樣大碗，面頭配料亦好豐富，有青瓜絲、蘿蔔絲、炸蒜、而主角豬扒果然值得一試，醃料整得好香，香茅尤其出色，仲煎得好脆，但內裏肉質唔會太乾，配上甜甜辣辣嘅辣醬，十分惹味。
另外仲叫咗啲小食，分別係爽口彈牙、脆卜卜嘅越式炸蝦餅（＄29），同埋越式豬頸肉（＄29），火候燒得啱啱好，迫左啲油出來但又保留到脂香😋
嘢飲方面因為係跟餐，所以只需要補少少錢～
鮮芒果西米露（$12）超級大杯，飲到粒粒新鮮芒果，西米都唔會過淋，椰香十足，當埋甜品咁食，推薦！
檸檬蜜糖薑茶（$8）
蜜糖同薑味都好濃郁，啱晒秋冬天飲幾暖身，但偏甜咗少少～
Post
