野川拉麵 (Closed)

呢兩日落雨天,落雨令氣溫下降唔洗又熱又焗,但今日全日天陰陰去左元朗周圍遊下搵下有咩食,去到西菁街後面既金祥坊大約有40多個咪錶,好幸運等左一陣有位,諗住泊好車再搵下有咩食,點知咁近就有間野川拉麵仲有串燒行返去前面正門望下,門口放左重芝味推介餐牌!拉麵,稻庭,讚崎手打烏冬有血池地獄湯底(個名咁特別仲有得要求少辣),蕃茄,豬骨,芝士,芝士辣湯底!*汁燒極上和牛稻庭烏冬-芝士辣湯底少辣$85,濃而不油膩既湯底,唔系好食得辣既我,覺得芝士辣湯超正辣度剛好,辣辣地好過癮,芝士鋪在湯面上,攪一攪好快就溶入湯同麵,每啖爽彈滑溜既烏冬都要夾埋湯一齊食,和牛汁燒後仍保存美味肉汁,油脂分佈唔錯,肉質嫩滑,配料有木耳,京蔥,粟米,仲有糖心蛋呀!炸蒜片同七味粉*極上牛肉拉麵-血池地獄湯底少辣$65,肥牛佔左碗面一半,牛肉吸左辣湯底好味,呢個湯底較辣,可先叫少辣唔夠辣可叫侍應加的,配料比烏冬多左紫菜同荀。*日本果汁,橙汁/哈蜜瓜/提子$15,食辣野飲個提子汽水gur一gur,唔太甜好味。*燒雞皮$13,好耐無食了,好多居酒屋都無,燒得好脆呀!*蒜蓉燒扇貝$52,鋪滿蒜蓉既扇貝肉質爽口鮮甜。所有食物都超抵食呀!!