平成 (Closed)

上次係尼條街食過拉麵，感覺成條街都好高質，好地道嘅日本🇯🇵野，所以今次決定再尼食！望落menu，食物嘅種類唔算好多，但成個感覺係好傳統嘅日本菜，而唔係localised 個種牆身好簡單以酒樽紙去裝飾，有幾分居酒屋感覺第一個係石鍋豚汁叉燒腩， 腩肉好厚身，非常入味，咬落去好重豚汁味，又熱辣辣咁食，正😍😍仲有幾片菇，全部都好入味，啲湯都唔會咸！第二係醬酒大蔥炒雞，份量好夠！雞肉夠滑身，香口惹味，炒得好夠火！同頭先嘅叉燒腩係兩種不一樣嘅惹味❤️温泉蛋炒三文魚稻庭烏冬尼個係我最推介架！烏冬口感好，係偏扁身嘅，有咬口，三文魚加個湯好夾，唔會好咸，反而同淡淡嘅烏冬match到！仲有兩杯飲品，荔枝乳酸梳打同巨峰提子乳酸梳打每次食得多肉食嘅時候，叫一杯乳酸梳打都會好幫你去走個種油膩感！再加埋佢有檸檬係入面，慢慢會帶到啲酸味出尼，好好飲，唔會好甜😛