醃篤鮮料好足，料仲多過湯，個湯好有鹹肉香味，啲鹹肉同瘦肉一樣咁多，切到大大舊。個人覺得鹹肉可以少啲，切細舊啲，煲番耐少少，咁同樣出到味而唔會食嘅時候太鹹。筍好新鮮，爽脆清甜。百頁結煮得夠淋，但唔太入味。
紅燒肉啲肉好靚，係五花腩肥瘦相間，味道正宗係甜口嘅醬油味，但係煮嘅時間唔夠，未係好入味。筍同冬菇好味。
鍋貼煎得好靚，但係個餡偏乾身，唔夠油香同肉香。
整體都係傳統上海菜嘅口味，師傅啲材料切得好豪爽，係好街坊嗰種唔係走精緻路線。如果俾少少時間再煮番入味少少會更好。餐廳內部都乾淨企理，老店嚟講係好難得。
3
1
3
5
5
4
9
14
14
