樂記車仔麵 (Closed)

自從為食佳執咗，好耐無食過車仔麵嚕，呢日放工經過樂記車仔麵，一直都無留意佢，唔想自己煮嘢食，就買個外賣返屋企食，試試佢。叫咗粗麵、白蘿蔔、魚蛋、豬大腸，咖哩汁，盛惠$37白蘿蔔有4件，夠腍又無渣，又唔算甜，OK咁啦。魚蛋有5粒，呢隻係陳皮魚蛋唔係爽彈類，口感質地軟實，不過係真魚蛋，好有魚味。豬大腸有4-5件，夠腍又夠入味，乾淨嘅粗麵拎到返屋企已經有啲腍，如果唔煮咁熟，可能食時就啱啱好....咖哩汁都幾香，唔錯。