街坊茶記 (Closed)

同屋企人係將軍澳海旁行街，原來有屋院貼住海旁既單車經，唔行都唔知，經過雍明苑商場隔離，行到攰攰地見到雍明苑商場有間餐廳，叫街坊茶記，個名咁貼地，就入去坐底睇下有咩街坊正野食，順便食個下午茶補充下能量喇。要數香港貼地下午茶緊係有香港人至愛西多士加港式冰鎮奶茶。而呢度既西多入邊係加左火腿同芝士，芝士火腿三文治就食得多，芝士火腿西多真係第一次食，食落去真係同芝腿治差唔多，但係就多左西多既香味同口感，加埋牛油同糖漿，好味。另外我地仲叫左份公司三文治，呢度既三文治入面係分別夾左芝士吞拿魚碎同埋生菜蛋沙律火腿蕃茄，方包烘到脆卜卜加埋查左厚牛油，呢個真係可以N Call 架，最後飲埋冰鎮港式奶茶，茶香奶滑，飲落去爽呀。