呢度主打一定係佢地的奶茶同埋招牌咸牛肉蛋三文治烘底。奶茶最重要個濃厚度，唔會過杰或者太水都會影響奶茶質感，呢度的奶茶質感適中，另外亦都夠滑，唯一係茶味同回甘味唔夠長，不過已經係合格有餘之作。
之後就要介紹招牌咸牛肉蛋三文治烘底，多士烘得成塊有少少焦香變得香脆，而內裏的雞蛋前到有燶邊，令蛋味更香濃，但內裏仍然保持到蛋汁。鹹牛肉同雞蛋撈埋一齊煎，所以食落去比較平均，唔會一啖只係食到鹹牛肉或只係食到雞蛋，都算係水準之作。
如果係港島區食鹹牛肉蛋治，我會揀豪華。至於係九龍區，亦有一間推介，下篇再同大家分享!
1
