美食大排檔 (Closed)

名乎其實服務街坊的大眾化食店, 由晨早開到午夜, 早茶、午市、下午茶、晚飯到宵夜都有得食, 早上總見到鳥籠內的一隻鸚鵡, 懂得講不少說話, 算是特色之一。以經濟實惠的收費來衡量, 食物水準算不錯了。早上搭巴士返工前通常會食籠點心, 雞扎、山竹牛肉或雞絲粉卷都okay。夜晚就試過生炒糯米飯, 大大隻字貼出來話正, 結果也相當不俗, 最緊要夠熱(現在很多食店連這最起碼的要求也做不到), 飯不會太硬, 好! 不過那碟沙薑雞腳就唔夠「臨」。但在這裡飲茶, 最緊要就係欣賞那份街坊情懷, 每朝早一句早晨, 一壺熱騰騰的普洱茶及一籠點心, 就比那些冰冷(因冷氣太大)的大酒家勝一籌。