永珍越南菜館

Open Now

Now Closed

同朋友喺九龍城食TEA,二話不說去永珍。舖內裝修簡約而富泰國FEEL，下午時段唔使等位。越南生牛肉河$32食極都唔厭嘅生牛肉河。呢度嘅牛河水準穩定，湯滾牛靚，熱湯一淖，牛肉汁同洋蔥、金蒜、葱、青檸汁同指天椒合而為一，食粉前呷一啖湯，鮮甜之極，河粉爽滑幼細，牛肉味濃郁，一個字，好味😋越南滴滴咖啡$12正宗越南蒸餾咖啡，因為即叫即做，咖啡甘香無酸味，配煉奶飲別有一番滋味😌越南春卷$46。(無影相😔)又係每次必點菜式。雖然要等十分鐘，但老闆堅持即叫即做。春卷皮炸得鬆化，饀料飽滿，用生菜包住，再點魚露一齊食，啖啖傳統味道。九龍城泰國菜館多過七仔，可以屹立廿年，絕非僥倖。