金多寶餐廳小廚 (Closed)

就晌新港城旁邊嘅富輝商場商場雖舊但有唔少地道小店哩間小廚出名食山地雞d雞都係放養 肉質鮮嫩又彈牙🐔食飯當日都好多客人落嚟叫雞外賣返去食入秋餐廳推出鮮雞煲、羊腩煲非常吸引～！餐廳嘅老火靚湯都足料好飲架。🔸酸菜魚魚又大件又滑，好新鮮！湯底夠酸、有花椒麻香、辣度溫和。底下有唔少芽菜、蘿蔔酸菜等，吸哂湯嘅味道，正！鍾意食辣、重口味嘅朋友可以試水煮魚。🔸秘製川香雞真係名不虛傳，雞的確好食，嫩滑又有彈性，皮又爽，而醬料惹味，唔太辣，想要重口味可以試吓叫多醬。🔸金牌秘製沙拉骨大大件，分量十足！豬扒都幾厚身，炸得外脆內軟，醬汁甜甜地，香口又好送飯！🔸上湯娃娃菜有娃娃菜、粉絲、炸蒜，清清地感覺好健康。