正所謂『撈撈撈』係呢幾年喺香港本地商場都一定有一席位。無計喇，國內市場大，一堆國內新移民及國內遊客教識我哋認識涼皮，從而大家都瘋狂戀上。就好似麻辣米線咁，一食就停唔到口！望下門面先，四四正正，乾乾淨淨！
呢間餐廳就主打「涼皮」、「冷麵」。價錢睇落都幾平民，$42可以揀三個餸及一款涼皮或者麵。再望網落去睇下啲餸，有啲都幾特別，平時喺出面食嘅時候唔會見到有。例如芝麻八爪魚、中華沙律、麻辣柚子墨魚。
如果唔鍾意食凍食嘅話，呢度都有熱湯嘅。湯底都好大眾化，有清湯酸辣麻辣。再望望一望有土豆粉嘅？薯粉，我就聽得多。土豆粉就少見，唔知道係點嘅呢？
呢到都仲有小食㗎！
呢個就係我嘅晚餐，我揀咗BB辣嘅涼皮，涼拌萵筍、泡椒無骨鳳爪、老百頁豆腐。
撈前😌
撈後😌
唔好睇佢細細碗，都識得飽㗎！
