壹加壹咖啡奶茶 (Closed)

其實呢間餐廳已經係由細到大食過好多次，幾欣賞佢價錢唔貴但食物用心製作，而且送外賣速度仲好快，每次電話訂完好多時都係10分鐘左右就送到，效率極快餐廳與時並進，自己開咗一個社交平台帳戶，每日風雨不改咁upload是日午餐Menu，方便客人睇完再直接打電話落單！每日早上十一點半左右就會upload上網，睇啱就要盡快打電話去訂了！之前試過睇完但係等到一點左右先打去訂，有啲受歡迎嘅菜式就一早賣晒🤣冬菇節瓜炒排骨，餸嘅份量比得好充足，冬菇節瓜好入味，排骨新鮮，整體嘅配搭健康好食，有住家飯嘅感覺，用埋啲汁攞嚟撈飯都覺得幾好食冬瓜豆卜火腩，呢個菜式雖然成日喺茶餐廳都會見到，但呢度嘅冬瓜豆卜火腩唔會好似茶餐廳煮的咁鹹冬瓜豆卜入味，火腩就應該係喺外面燒味舖買返嚟再煮的，食落新鮮好味。又係一度有住家味道嘅菜式。電話落單， 10分鐘送到，兩個套餐配嘢飲，加埋都係$83 ，性價比唔錯