明星海鮮酒家 (Closed)

去酒樓食飯對象多數都系一家人，今日6點幾去到已經見大半場都係家庭聚餐，感覺好溫馨，而平時同屋企人較少出街食飯，感覺就覺得更加珍貴酒樓就一定唔系個高CP值食府地方，但勝在價錢公道，菜式多樣化，最常成為街坊生意，今次呢間酒樓空間感十足，有好多張枱提供，唔怕冇枱開飯，紅色地毯、暖黃色燈光，加多幾分懷舊感決定一家三口一人叫一道餸菜配白飯我哋就叫咗：🌹燒雞 半隻皮夠脆，皮亦有味道，唔會過鹹有雞皮種油香味，肉質過乾，有機會系風乾過度，影響肉質唔滑嫩，$120半隻，價錢合理，所以還算不錯👍🏻🌹豉蒜涼瓜炒牛肉大讚豉蒜味啱啱好，涼瓜帶少少爽口，估計先輕輕白灼後才炒，牛肉醃製入味，配上豉蒜味更濃烈，略帶小火喉味豉蒜汁唔會過「傑」過「稀」，炒到啱啱收乾汁，點會唔入味？送飯一流🌹栗米燴魚柳冇浸死塘魚狀況，唔會成堆栗米更浸住晒啲魚柳，令魚柳保持脆口，表皮不會過重粉味，剛剛好，果然系正皆出品曾經出面試過栗米多過魚柳，狀況就系魚柳軟身冇咬口，顯得外表粉味更顯眼如果想要多栗米汁本身就需要求汁另上/另叫酒樓常見栗米魚肚羹或栗米湯三口屋企人，叫3碟餸3飯，啱啱好港晒堆餸同埋白飯，冇浪費到，大家都讚出品品錯，最喜愛的是豉蒜