燒味滷師 (德慈樓) (Closed)

屋企附返開咗間新嘅燒味店，成日都好多人排隊，襯住父親節齊人食飯，斬料加餸依家仲做緊新開張優惠，唔怪得咁鬼多人燒味佬叉燒同手撕雞係玻璃櫥櫃望入去，見到啲燒味都好整齊咁掛出嚟，望落去都好新鮮好吸引最後我哋揀咗半隻至尊燒鵝，同埋一份撕雞至尊燒鵝：燒鵝嘅表皮燒得好香，而鵝肉就好滑嫩，最抵讚嘅係鵝肉本身唔會好肥，有油香得黎唔會太油膩手撕雞：雞肉撕得好平均，調味剛剛好，唔好死咸，有雞味得黎又有芝麻嘅香氣燒味佬叉燒：叉燒唔算笑得好窿，但係個表面嘅調味做得好好，屋企人鍾意食瘦叉燒，大家都讚佢好味加咗三個餸成枱豐富晒