王朝潮盛館 (Closed)

✅️ 鄰近mikiki ✅️ 餐廳商場有停車場，不過冇泊車優惠 豐料燉湯 (HK$68位)鮮甜可口，足料入味，暖胃養生。生炒臘味糯米飯份量大，食唔哂打包番屋企炒番熱都依然味道不錯，糯米真係好香口。鵝件拼盤我哋叫咗雙拼鵝掌，鵝件肥美，底層配上鹵水 豆腐。蠔餅 加入胡椒粉、沾一沾魚露食，蠔仔飽滿冇沙，佐酒一流。生炸BB鴿 外脆內香，有肉有咬勁，水準之作。兩個湯，加埋一枝藍妹啤酒，埋單約HK$630，好坐又舒服，同街邊一般檔口仔唔同。