瑞士咖啡室 (Closed)

今晚同女朋友落街食晚飯，去到呢一間好多分店既瑞士咖啡室。我諗瑞士汁係佢地主力，所以餐廳都用瑞士汁黎改名👍🏻我主要係想食小菜，因為晚飯想食餸同埋飯。餐廳小菜都算選擇多，我地睇左一陣就選好了。第一個小菜我選擇左XO醬西蘭花炒肥牛，賣相不錯，色香味俱全，見到西蘭花上面佈滿醬汁既感覺，整刻食指大動😚西蘭花無煮得過火，肥牛又吾韌，加埋滋味既XO醬，用黎餸飯一流👍🏻第二個小菜係豆豉醬蒸倉魚，佢地控制火候技術不錯，條魚蒸到岩岩好，非常魚味，而且魚肉夭里好滑，正呀，推介👍🏻👍🏻食晒啲小菜之後，我地都好好奇佢個瑞士汁係痕成點，所以我地叫左隻瑞士汁雞脾黎試下。果然，瑞士汁做得不錯，好入味，雞脾啖啖肉，每一啖肉都有瑞士汁味道，真係可以一試👍🏻👍🏻順帶一提，佢地晚餐係會跟湯同埋飲品，我地叫左紅湯，飲品要左紅豆冰。紅湯酸酸地，又辣辣地，入面都幾足料，吾錯👍🏻紅豆冰都好利害，好少餐廳會比咁多紅豆，非常滿足，紅豆冰係一定要試的😍