兩三碗車仔麵 (Moved) New Location

車仔麵絕對係一樣又平又多選擇嘅食品，當每一次諗唔到食咩嘅時候，就會選擇食車仔麵，因為可以一次過食唔同嘅餸，又唔怕會食唔晒。今日同媽媽去食午餐，去咗屋企附近嘅一間車仔麵店，餐廳除咗有車仔麵仲有特色撈丁同小食，媽媽揀左黑椒豬扒、大腸同五香牛筋，大腸無異味，清理得好乾淨，而牛筋都炆得好淋。而我就叫左招牌豬頸肉沙嗲撈丁同椒鹽魷魚，豬頸肉份量好足大大塊，但沙嗲汁就比較鹹，而椒鹽魷魚炸粉都好薄，唔會粉多過魷魚，分量亦都好足。