潤一潤甜品屋

Open Now

Now Closed

沒有比潤一潤甜品屋更「街坊」的小店，看著它由一間擴充大一半，晚晚經過也是坐無虛席。不輪是一家大細﹑理工大學生﹑街裏愛人一對對﹑連菲傭姐姐都會來買外賣糖水的。是晚晚飯完畢走來散散步順便買糖水回家：最最最大碗又抵食的石磨芝麻糊芝麻糊杰撻撻，真材實料。$17真係邊度搵？芒果黑糯米 + 芒果西米露多多芒果，黑燸米亦都好有咬口。楊枝金露芒果汁好濃，芒果大大粒又甜，配埋西柚，絕對係夏日消暑之選。餐牌仲有一款楊枝金露可以加芒果雪糕添！原味木糠布甸好多次都因為賣哂而食唔到，今次Oreo木糠布甸亦冇哂… 但老闆娘話仲有木糠布甸，所以就要一個啦～木糠布甸分三層，梅花間竹嘅香滑奶油同幼消化餅碎，凍食軟綿綿的感覺很窩心！等外賣對間老闆娘都會有講有笑，仲讚我咁乖買糖水比屋企人食。就算係外賣亦唔會減少份量，好均真！