8號茶居 (宏業南街) (Closed)

俾佢支大雪茄🚬吸引咗入去😂其實有時一個人都鍾意去呢啲點心餐廳飲返壺茶，食下點心。見有啲時間咪去呢一間8號茶居試吓，係朗屏站行去都係5分鐘就到。🚬雪茄春卷呢個真係扮雪茄扮得好似，上枱時仲好熱，小心燙手。佢又真係用埋隻雪茄托碟上菜😂實際佢係一條海鮮春卷，有蝦有少少螺片。可以點佢個煙灰盅(沙律醬)食。鴛鴦鮮蝦網米腸上網見到顏色咁靚就叫埋試吓。外面腸粉皮QQ彈加埋裡炸脆咗個米紙蝦春卷，好食。煎蛋牛肉蒸飯有砵仔或者竹筒，咁啱竹筒賣晒就叫砵仔蒸飯，不過佢D飯都蒸得幾好，粒粒分明。呢間做開街坊生意，經常有人買外賣。想飲茶又唔想難搵位可以試吓呢一間8號茶居。