千盛 (Closed)

剛剛去完日本，仲係好掛住日本嘢食><經過呢間小店，街坊店格局，但入面裝修好有日本feel，同埋見到A5和牛燒肉套餐幾抵食，入去試試佢。唔係太肚餓，叫左藤彩和牛燒肉餐梅100g，少少串燒，一個和牛飯。驚喜位係，和牛份量其實比想像中多，每塊都幾厚，望落唔係油花多到癲果種，但燒完之後，入口油香滿滿，仲keep到少少咬口，唔似一般和牛油膩！正！立即鍾意左呢隻住係熊本的藤彩牛。另一個街坊店先有細心位，佢地係用韓式光波爐用黎燒肉，健康Ｄ冇油煙，唔會食到成身燒肉味。和牛飯一樣鋪滿曬和牛粒，份量絕不欺場。串燒方面最鍾意秋葵，火候剛剛好，外脆內juicy！飲左富士山柚子汁同山梨縣蘋果汁，好好飲！