岩石牛扒屋 (Closed)

照例喺屯門附近上堂，上堂前醫下肚，位置喺紅橋附近，唔熟路都幾難搵，好在附近可以隨便係街度泊車，揸車嚟都算方便。晚餐係五道菜選擇，包沙律、餐湯、餐前小食、主食、雪糕及飲品，價錢$138起，算幾抵。日式芝麻醬沙律，份量合適。頭盤泰式生蝦，新鮮有彈牙；海鮮凍盤，兩隻蝦及青口，亦都唔錯。主菜：岩石安格斯牛肩，200g ，厚身肉地好，有牛味，食過幾次石燒牛肉口，發現切開成牛粒後會更有咬口及淋身，呢個牛肩都唔例外，加埋海鹽食，更原汁原味。蒜香和牛粒意粉，蒜片炒得好香，牛粒份量算多，調味亦合適。柚子梳打及龍鳳梳薑是餐飲，柚子清新。最後仲有2杯雪糕，食埋剛剛好9成飽。