6點鐘到左，開始陸續有人入，我地一行幾人叫左一大堆野食。
小炒王：好大份，又夠鑊氣，蝦🦐干超大隻，蝦仁🍤好大隻，韭菜嫩綠鑊氣足，椒絲銀魚仔鹹香畫龍點睛。
蜆芥鯪魚球：手打魚肉彈牙，陳皮香提味，外脆內軟。點蜆芥醬更鮮。簡單好味！
啫啫炒魚鰾：魚鰾夠爽口，醬油爆得香噴噴！熱辣辣咁炒，加啲薑蔥，食落仲有少少焦香，配飯食真係冇得頂！
枝竹炆班腩：班腩炸到外脆內嫩，枝竹索晒啲汁！個芡汁濃得嚟唔膩，送飯真係一流，食到lam lam脷！
菜遠魚鬆飯：魚鬆香口又鬆化，菜心夠爽甜！撈埋熱辣辣白飯，簡單但好滿足。
Ps:雖然係屋村大排檔，但一d都唔會比大酒樓差，可以話更勝大酒樓，又好食，價錢又公道，唔怪之得，晚晚爆場。
1
