台豐台灣美食 (Closed)

屋企對面終於開左新商場，多左一些食店，對於街坊來講真是好消息，可以多些地方搵食，地點又近啲。今晚同老媽子撑枱腳，經過台豐，突然好掛住鹽穌雞，就入去試一試。睇睇menu, 好抵食下，40幾蚊有個飯或麵，仲要包埋台式飲品。老媽子今日口味同我相同，大家一齊揀左個鹽穌雞肉燥飯，個飯黎到嚇一跳，好大個飯，肉燥非常多，鹽穌雞有4-5舊，仲有半隻鹵水蛋。 但味道就普通，可能唔夠味精， 哈哈。炸雞好多粉，冇乜雞肉，同埋太腍。呀媽要左個冬瓜茶，我偷飲左，好好味，濃濃糖冬瓜味。我就要左苿香珍珠，淡淡苿莉香味，唔太甜，又有煙靭珍珠咬下，唔錯。2人每人一飯一台飲，埋單$87，非常街坊價，難怪呢度咁爆場。