雖然正值一至二既午飯時間，但係都唔需要等位，餐廳都坐唔滿
如果早少少黎就好啦，因為近窗口位其實都叫有d 景睇
次次一見到有海南雞飯都忍唔住嗌，本身都糾結左一陣好唔好叫肉骨茶架！
但係奈何雞飯既吸引力真係太大啦，所以都係叫返雞飯食
呢間餐廳上菜都好快！果然係做午市生意！我個海南雞飯就話整定啫，連同行友人叫既炒貴刁都好快就上！
海南雞飯個presentation 係靚既～～
先飲個湯啦～一來我唔鐘意飲湯啦，所以飲幾啖都會放返低架啦
個湯都係咸味水啦，係不飲也罷既
個飯睇落好白淨，但係佢係油飯黎架，仲都幾油tim
雞味好香呀，唔覺有蒜味，不過都係正既
跟住要講個雞，呢隻雞好肥呀！！好厚脂肪層！！
雞味都唔濃，好處係隻雞係滑既
不過都無海南雞雞皮同埋雞肉中間既透明脂肪層
至於個醬就正常水準，唔錯唔錯:)
呢度既餐飲係配奶茶，港式個隻，如果係拉茶會更佳
總括而言呢度既雞飯，配埋環境同埋地點，呢個價錢其實都可以既
如果行開行埋係度食個飯都唔錯，不過如果為左食海南雞而黎就不了～
