酒鍋 (天文臺道) (Closed)

火鍋控既我 再度朝聖酒鍋。原因～湯底無得輸 足料 有創意 而且咁難整既湯底 梗係出街食！今次專登去食‘行酒江湖’ 四色湯底：啤酒魚、清酒海鮮鍋、花雕雞、蕃茄牛尾湯。一個價錢 食到4種口味 性價比高呢！先講花雕雞 唔好睇佢爐仔細細 雞件都幾多 而且啖啖肉 花雕酒香 配上杞子紅棗等的藥材 足料。清酒海鮮鍋 鐘意Sake既朋友不容錯過。湯底清甜 但帶點微辣。很多鮮甜花甲 仲有我好鐘意食既芋絲 索曬酒香加辣汁 食唔停。啤酒魚～ 魚塊全部煎過先熬湯 加上很多雜菌 湯底有點似飲淡啤酒咁 幾得意。蕃茄牛尾 牛尾炆到好腍 一定要試。鮮蕃茄湯 夠清甜 淥蔬菜類最適合。打邊爐食牛頸脊係常識吧～ 掛架 下面用冰鎮住 可以keep住牛肉新鮮 而且絕對係呃like照。牛頸脊勝在唔會太肥膩 肉質嫩滑而又濃味。黑啤熊&七星報喜～ 丸類組合。黑啤熊賣相好cute 七星報喜就顏色鮮豔。主要其實係唔同款式的墨魚丸 有兩粒係甜既。彈牙 有口感 鐘意食墨丸既朋友必試。紫菜響鈴 即叫即炸。即食沾上甜酸醬 脆口不油膩。淥2秒又得。海鮮拼盤～ 一個字。鮮！貝殼類海鮮全部處理得好乾淨。特別喜歡帶子 勁鮮甜。海蝦彈牙又脆口。鴨血 我本