誠拉麵 (Closed)

今日黎左呢邊睇戲，睇完之後就去醫肚，呢到既Aeon真係好多野食，我同朋友就揀左呢間拉麵店。我地就叫左個豚骨魚沾麵，呢個醬汁好濃好香，仲未點，淨係聞已經聞到好濃既豚骨味，仲帶有少少魚鮮味。沾麫同叉燒份量好多，細食少少既女仔都未必食得哂。而麫條軔度岩岩好，食落彈牙得黎又有少少煙軔，點埋醬汁好好食。 另外仲加左個烤餃子，呢個餃子冇一般既烤得咁焦，外皮冇咁脆。但相對之下，更加食到餃子皮既質感同味道。加上饀料好足，肉同蔥既比例加埋好香，一啖食落有齊饀料同外皮既香味。 我一見到呢個黑特豚骨拉麵就已經好想食，我仲叫埋個套餐，拉麫同沾麫一樣煮得好好，口感一流。重點係個湯底。比起沾麫既醬汁當然冇咁鹹，亦冇咁鮮，但豚骨味就更加清晰，一試就知煲左好耐。而且黑蒜既味道岩岩好，唔會蓋過豚骨味，但又好濃郁。 呢個係追加既叉燒丼。叉燒整得好碎，加上鹹香既醬汁，好易入口又好惹味。但最正係D飯，煮得好軟熟，放上枱熱辣辣，好溫暖。