呢間祥利車仔麵係行新派的路線，裝修風格都幾小清新！
雞湯 日式叉燒 糖心蛋
叉燒冇咩驚喜，而且份量唔算多，不過冇叫麵底，食車仔餸，糖心蛋冇得難食，應該唔似係自家製。
牛肋條 蘿蔔 魚腐 (黑咖哩+中辣汁)
牛肋條好淋，蘿蔔同魚腐都好入味，吸曬啲湯，咬落去口感好多層次。不過黑咖哩湯底完全冇特別，滿心以為黑咖哩係會唔同，其實都係辣湯底咁，冇咖哩感覺。
豬軟骨 腩肉 (腩汁)
湯底一般，係預計之內嘅味道，不過豬軟骨同腩肉好好味，份量都唔錯，而且係厚厚幾塊。美中不足就係麵底比較少，朋友要加底先夠食。
胡麻醬秋葵 HK$24
多麻醬，好好食。
鹽燒雞軟骨 HK$28
最出色嘅食物，勁好食，想叫多份。
焙茶奶茶
味道偏淡
1
凍頂烏龍白桃烏龍
整體黎講CP值還好，不過都算係一個觀塘新嘅選擇，因為車仔麵/車仔餸好自由選擇食物內容加上湯底有雞湯揀，值得一讚，唔係好多地方有雞湯揀。
