旺角冰室 (Closed)

前幾日送左大帝番學就過黎行下花園街，行完黎旺角冰室食個飯，望住個餐牌好多野想食，最後見鄰座食緊咖哩飯幾吸引就叫左個咖哩流心芝士炸魚飯+熱鮮檸黑糖薑母蜜。咖哩流心芝士炸魚飯好大塊炸魚柳仲大過我隻手掌，外面香脆內裡軟嫩仲有流心芝士增加奶香味，好味，咖哩香甜唔辣，紅蘿蔔薯仔都好入味又有幾多椰菜伴碟增加纖維素。第一次飲加左鮮檸檬既黑糖薑母蜜又幾夾wor, 香濃重薑味帶點點檸檬酸味，幾好飲。侍應姨姨們都幾nice, 尤其收銀既姨姨。原本想叫埋蛋撻，但原來lee 間分店無。