鴻星中菜 (源成中心) (Closed)

呢日行完山已經好攰，來到觀塘就揾間中菜坐得舒服食晚飯。例牌燒鵝，呢隻燒鵝偏肥，油香十足，不過食多兩件會較膩口，飲淡茶清清口食下一個菜。同燒鵝係同一個set咁叫，4個人都夠，不過略嫌煮過龍左少少。甜桃千島蝦球有驚喜，蝦球好大隻，好脆身，千島汁炒埋一齊好夾，芝麻甜合桃甜甜地好好味。金銀蛋莧菜正常，夠大碟，皮蛋咸蛋食極都仲有，足料。海深蟹肉酸辣湯，料頭都夠，略嫌豆瓣醬濃左少少較霸口，變左酸味無咁重，但喜好重口味的朋友應該ok。鴻星好耐以前食過茶點心都ok，呢次晚餐好在都無令我失望。