於是便入去食飯，而當中嘅菜式都唔錯，所以分享一下，本先就係見到個雞煲入去，但望見鄰枱嘅小菜後就轉點了小菜，點了餐牌推介避風塘魷魚鬚$88、京都肉排$78、黑椒牛仔骨$88，師傅嘅手勢都唔錯，樣樣都夠晒鑊氣，避風塘魷魚鬚，雖然黃金蒜蓉唔係好夠，但魷魚鬚就炸得好香脆內裡夠晒煙韌彈牙！
而京都肉排個味道就調得啱啱好，帶少少酸甜，而肉質都十分鬆軟，啖啖肉！
另外個黑椒牛仔骨就十分入味，入口時個陣黑椒濃郁嘅味道，加埋多汁軟熟嘅牛仔骨，真係令人十分滿足！
師傅手勢真係唔錯，口味又夠晒大眾化，下次可以再試埋個火鍋！如果係街坊又真係多個開飯選擇！
