小澤日本料理 (Closed)

久唔久都會食一次小澤，因為長期full既關係，黎食最好book定位，又或者11:45am前walk-in都可能有位，但就要45分鐘內交枱。$110可以選三款，我建議女仔叫一個飯食就夠，因為其實好大碗，叫得多9成食淨野。首推半燒三文魚，三文魚厚切，外面燒得香，內裏半生熟，燒到d三文魚油迫哂出黎，好甘香鮮甜。其餘既刺身飯比較普通，但都係好食的。壽司我會推介青瓜鰻魚卷，食落好脆口，味道濃郁。另外沙律菜大碟新鮮足料，d菜好爽，我估佢係隔離街市拎貨，因為我都成日去後山街市買沙律菜。最後仲會有雪糕，次次黎都叫柚子味，好清新！但鋪頭都坐得幾迫，同有種好急速既感覺，未能好好relax。