小神燈新派飯館 (Closed)

朋友話好耐無食中菜，想搵間好食既中菜，諗起又好似係，所以就周圍搵吓，被呢間既糯米炒膏蟹吸引，而且又近朋友屋企，所以就立即訂位同朋友一齊去試吓😋 一黎到就見到餐廳，因為裝修好有特色，以90年代的香港作為主題，有佐敦的大排檔，有電車，有霓虹燈餸名，仲有電影宣傳手繪海報餸名，好有特色好有feel，座位寬敞，啱晒一班朋友或者家庭飯局！好多都想試，最終就叫咗呢幾樣： 🥢金沙涼瓜 涼瓜先撈上咸蛋黃，然後再略炸，做出脆皮咸蛋黃，超邪惡又好味，涼瓜甘苦，平衡咸蛋黃的油膩。🥢濃湯蝦滑魚腐煲 叫咗咁多香口濃味食物，想要有啲濕潤的疏菜平衡一下，所以叫咗呢個煲，個煲一上到黎熱焫焫，蝦滑爽口強牙，魚腐鮮味香滑，配上絲瓜及濃湯一齊食好正。🥢香茜蟹肉銀絲鍋 呢個見到就想叫，因為有齊喜歡既蟹肉及粉絲正！粉絲炒得乾身唔笠口，配埋蟹肉食超正。 🥢奇趣脆皮豬手 見到個脆皮豬手好吸引所以叫黎試吓，黎到嚇咗一跳，因為超大隻豬手，豬手皮脆肉嫩，半肥瘦，因為炸過的關係，所以脂肪Ｄ油已經迫出來，食落甘香但又唔會有肥膩感，配啤酒一流！🥢糯米炒膏蟹 必點菜式，蟹迷食完好滿足，糯米飯炒得乾身，調味恰到好處，配上惹味的膏蟹