Video
Read full review
2019-06-15
2126 views
自助餐主題五花八門，想要突圍而出，必須有些令人感覺震撼的東西，方有可能成功。各種款式既蟹，加埋鮮味爆發又IGable的海膽，夠份量了吧！是的，Three on Canton今期就以以上兩大食材作主角，大家聽到，相信都會口水流。 由凍海鮮講起，除了基本的海蝦、青口和龍蝦外，晚上仲有幾款蟹供應，包括肉質豐腴既鱈場蟹、石蟹、鮮甜的日本毛蟹、多羔既麵包蟹，同埋啖啖肉的阿拉斯加帝皇蟹，單是爽口鮮甜的凍海鮮，已教人難以抗拒。受大眾歡迎的海鮮，肯肯定離不開即生蠔，見佢長期要排隊攞，就知香港人有幾中意食生蠔。熱食固然不乏蟹和海膽既蹤影，大家深知我喜歡星馬菜系，新加坡胡椒炒蟹，自然討我歡心。另外如蟹肉芝士批、海鮮海膽炒飯，焗釀蟹蓋等，水準也不錯。仲有海膽醬三文魚籽玉子燒，海膽蒸蛋白，都係不容錯過的東西。以上豐蟹海膽主打菜色外，還有不少好東西，都想同大家介紹下。海南雞飯是我每次來亦會品嚐的，油飯夠香，雞肉嫩滑，三色醬之中，我從來只好黑黑的甜醬油。喜愛邪惡東西的朋友，如我，一定要吃香煎鵝肝多士，懶理膽固醇超標，食左先算。燒牛肉的火侯控制恰好，看我這塊的色澤可知一二，簡單配幾款鹽已好。呢度仲會供
自助餐主題五花八門，想要突圍而出，必須有些令人感覺震撼的東西，方有可能成功。各種款式既蟹，加埋鮮味爆發又IGable的海膽，夠份量了吧！
是的，Three on Canton今期就以以上兩大食材作主角，大家聽到，相信都會口水流。
由凍海鮮講起，除了基本的海蝦、青口和龍蝦外，晚上仲有幾款蟹供應，包括肉質豐腴既鱈場蟹、石蟹、鮮甜的日本毛蟹、多羔既麵包蟹，同埋啖啖肉的阿拉斯加帝皇蟹，單是爽口鮮甜的凍海鮮，已教人難以抗拒。
受大眾歡迎的海鮮，肯肯定離不開即生蠔，見佢長期要排隊攞，就知香港人有幾中意食生蠔。
熱食固然不乏蟹和海膽既蹤影，大家深知我喜歡星馬菜系，新加坡胡椒炒蟹，自然討我歡心。另外如蟹肉芝士批、海鮮海膽炒飯，焗釀蟹蓋等，水準也不錯。
仲有海膽醬三文魚籽玉子燒，海膽蒸蛋白，都係不容錯過的東西。
以上豐蟹海膽主打菜色外，還有不少好東西，都想同大家介紹下。海南雞飯是我每次來亦會品嚐的，油飯夠香，雞肉嫩滑，三色醬之中，我從來只好黑黑的甜醬油。
喜愛邪惡東西的朋友，如我，一定要吃香煎鵝肝多士，懶理膽固醇超標，食左先算。
燒牛肉的火侯控制恰好，看我這塊的色澤可知一二，簡單配幾款鹽已好。呢度仲會供應Yorkshire Pudding，坊間食自助餐的地方較少見，對於我這英國忠粉，肯定大加印象分。
眾多中式熱食，我對片皮鴨的抗拒能力近乎零，即使菜色再豐富，吃得再飽，必定要預留空位吃番件。
甜品方面，這兒的心太軟從來是必然首選，檸檬撻來得清新自然，朱古力蛋糕香濃，雪糕是Movenpick的優質貨色。
Post
