鱻潮手工私房鍋 (Closed)

呢排好想食海鮮，今日同朋友去踩完單車，聽住大圍既朋友提過呢度既蟹幾好食，今日終於有機會試下七點零去到，等左15分鐘左右就入得，都好快有兩個餐揀，我們揀左個288九大鬼私房鍋加半放題揀左星州胡椒蟹🦀真係好惹味個汁好濃厚既胡椒味，但又唔會好 “近”蟹都好多肉，隻蟹都好大隻，d肉可以點汁食，如果有埋白飯仲可以撈飯食餐廳都好窩心，除左食蟹二寶之外，仲有手套同濕紙巾唔洗行黎行去洗手之後到雞煲🐓岀場叫左小辣，個麻辣既汁味道都好入味，雞既肉質就一部分滑，一部分有少少 “銀” 。不過整體都ok，半隻個份量都好多。準備食火鍋，店員提供調味料，選擇都ok到火鍋岀場個鍋好有氣勢不過d配菜略微少左d配料方面，有安格斯牛頸脊🐄牛味都好岀，肉質都嫩口好食丸方面，揀左蟹肉蟹子珍寶珠同黑白墨魚磚。其實係蟹子丸，味道正常，人手打口感都彈牙。反而黑白墨魚磚幾有驚喜，上面白色既墨魚淡淡地，下面黑色果片似紅腸既墨魚腸幾好食，有少少蒜味另外，又有響鈴🔔呢條響鈴真係好好食似即炸，有少少熱。好脆口，如果可以多兩條就好了大家都唔夠喉仲要提提，佢個size都好大整體而言，蟹好食，幾新鮮其他配料都滿意，如果多d菜就更好價錢方面288食到