沙嗲王 (現時點)

Open Now

Now Closed

每次去旺角行街都總會想食沙嗲王，今晚都唔例外，同朋友幾個人一齊去食沙嗲王，今次有啲唔滿意佢明明我哋有三個人，周圍都好多空台，但係都要迫埋坐喺個正方型枱度。不過食物質素係OK嘅最鍾意食嘅係一個蟹粉豆腐鍋飯，有好濃郁嘅醬汁嘅感覺，但係又有嫩滑嘅豆腐中和返。避風塘聖子，幾香口，脆卜卜，正今次冇叫到咖喱薄餅，反而叫咗另一個牛油蒜蓉薄餅三件，第一次試覺得都幾好食，主要係因為個薄餅底好食，其實點樣整㗎咩調味都好好食。呢一個喇沙和牛拉麵就麻麻哋啦，湯底係好香喇沙味嘅，但係食落又覺得還好，牛肉好似吸唔到啲湯嘅味，有進步空間！