爆辣冷麵

Open Now

Now Closed

入嚟元朗探朋友，傾吓傾吓都係時候食晚飯，佢帶我嚟呢間外賣店買嘢返去食，如果冇去大路都幾難搵到，晚上呢條行其他大部份舖頭都冇開，但我發現都有唔少人嚟幫襯，前後都要等咗20分鐘先至攞到食物。爆多蟹籽冷麵，見佢一路放一路放蟹籽，真係放到好多好多蟹籽，雖然外賣之後個冷麵都唔算凍，全靠有辣味帶起麵底，令人食得開胃。蟹籽沙律亦有勁多蟹籽，份量都算幾多。爆辣雞軟骨，個雞軟骨炸得幾脆，相對個辣度感覺冇其他食物咁勁，味道比較平衡。另外有一個樽裝嘅爆辣生蒜油，見佢價錢合適所以都買嚟試吓，配合埋落個炒麵一齊食，好夾好開胃。