Video
Read full review
2022-03-15
28 views
呢日嚟到屯門紅橋 意外發現咗一間門口細細哋日式烏冬coffee shop☺️聽個名又烏冬又咖啡 好似唔係好關事喎🤔但見啲烏冬都幾吸引 於是決定一試🙂入到去坐低 店舖其實好細 一眼睇晒 大概有10個座位 店員(後來發現係店主至啱)好熱心咁向我哋介紹佢哋嘅menu每一款烏冬 全部烏冬都用咗自家烹調嘅鰹魚昆布湯 而佢哋不時都會研發新菜式 呢期主要做緊兩款燒海老同燒魷魚嘅系列 每款都有三個level 分別在於配菜同份量嘅多少 又或者可以揀original款嘅淨腐皮或腐皮櫻花蝦 當日下午3點左右去到 餐廳冇乜人 於是店主就同我哋傾下偈😆原來佢哋本來係做咖啡嘅 但之後發現鮮味喺人嘅第五味覺 而油脂揮發出嚟嘅鮮味會激發舌頭感覺 令到我哋飲咖啡嘅時候會品嚐到更大嘅風味 估唔到食一餐飯都可以長知識🤣 🍜腐皮醬油燒海老油揚烏冬 💰110湯底除咗用自家製嘅鰹魚昆布湯 另外仲加埋用蝦頭同清酒去煮成嘅蝦湯 配菜用開邊蝦 用醬油同清酒煮完就會拎去煎 所以食落會有煙燻同炭燒味道☺️ 烏冬彈牙 份量都唔少 配菜方面除咗粟米木耳紫菜 仲有大大塊嘅腐皮同埋切片竹輪卷 當然唔少得主角🦐開咗邊之後除咗煎得更香 另一個好處係容易進
店員(後來發現係店主至啱)好熱心咁向我哋介紹佢哋嘅menu每一款烏冬 全部烏冬都用咗自家烹調嘅鰹魚昆布湯 而佢哋不時都會研發新菜式 呢期主要做緊兩款燒海老同燒魷魚嘅系列 每款都有三個level 分別在於配菜同份量嘅多少 又或者可以揀original款嘅淨腐皮或腐皮櫻花蝦
當日下午3點左右去到 餐廳冇乜人 於是店主就同我哋傾下偈😆原來佢哋本來係做咖啡嘅 但之後發現鮮味喺人嘅第五味覺 而油脂揮發出嚟嘅鮮味會激發舌頭感覺 令到我哋飲咖啡嘅時候會品嚐到更大嘅風味 估唔到食一餐飯都可以長知識🤣
🍜腐皮醬油燒海老油揚烏冬 💰110
湯底除咗用自家製嘅鰹魚昆布湯 另外仲加埋用蝦頭同清酒去煮成嘅蝦湯 配菜用開邊蝦 用醬油同清酒煮完就會拎去煎 所以食落會有煙燻同炭燒味道☺️
烏冬彈牙 份量都唔少 配菜方面除咗粟米木耳紫菜 仲有大大塊嘅腐皮同埋切片竹輪卷 當然唔少得主角🦐開咗邊之後除咗煎得更香 另一個好處係容易進食🤤
🍜腐皮燒魷魚油揚烏冬 💰110
魷魚係用一夜干魷魚 煮完魷魚嘅湯mix埋自家製湯底之後同樣將魷魚配菜用醬油同清酒去煮 煮完再燒香 所以同樣有smoky味道☺️
食呢個魷魚烏冬嘅時候 店主建議我哋先飲一啖咖啡 再飲啖湯 先再飲咖啡 咁就可以飲到咖啡本來嘅風味 亦都飲到鮮味對咖啡嘅影響🤣
🥢明太子蟹籽沙律
烏冬原來仲會跟埋份漬物 唔知係咪次次一樣㗎呢☺️呢日係明太子蟹籽沙律 一粒粒嘅蟹籽被整成方塊狀 撈埋啲沙律醬wasabi醬 凍凍哋 又幾好味喎😋
☕Cold brew 💰60
咖啡方面呢到專做齋啡 有nutty fruity嘅coffee 而我哋就揀咗冷萃咖啡😉拎到埋嚟見到係罐裝咁特別嘅 個罐印咗店名 原來佢係用自家製食譜製作 浸24小時 之後隔渣再入罐
☕Lemonade 💰50→25 (跟烏冬有半價)
檸檬汽水同樣係自家罐裝 聽落好簡單 但原來要先將🍋切皮 用砂糖 豆蔻 同水一齊煮 之後放室溫降溫 再放雪櫃冷藏發酵 最後加檸檬汁 然後入罐 所以步驟都幾繁複㗎🙈飲落酸酸甜甜 呢幾日天氣熱飲 好爽😆
💬兩款烏冬相比起嚟 海老烏冬嘅湯會咸啲 魷魚烏冬嘅湯會甜啲 各有千秋🥰
💬原先聽完佢講都有啲懷疑🤫但原來食完烏冬之後再飲咖啡 真係會飲到唔同味㗎😎會覺得有啲甜甜哋咁 推薦大家都要試下👅
🔎Instagram: @tracy_fooddiary
腐皮醬油燒海老油揚烏冬
$110
11 views
0 likes
0 comments
腐皮燒魷魚油揚烏冬
$110
4 views
0 likes
0 comments
Post
